Sáttafundur slökkviliðs- og sjúkraflutningamanna og viðsemjenda þeirra hófst klukkan 13:30 í dag. Rúmar tvær vikur eru síðan deiluaðilar settust síðast að samningaborðum. Náist ekki að semja á fundinum í dag hefst verkfall slökkviliðs og sjúkraflutningamanna á morgun klukkan 8 árdegis.
Verkfallið mun standa til miðnættis sem er ívið lengur en síðast. Þá stóð það frá kl. 8 til 16. Fundurinn í dag er undir stjórn ríkissáttasemjara.
Slökkviliðs- og sjúkraflutningamenn hafa hótað allsherjarverkfalli 7. september fáist ekki lausn fyrir sumarlok.