Leikarinn Armie Hammer er kominn aftur í fang fyrrverandi kærustu sinnar, Lisu Perejma. Parið sást njóta lífsins í hinum huggulega sjávarbæ, Portofino á Ítalíu.

Frétt af mbl.is

Sagður halda Hammer uppi

Hammer og Perejma kynntust í ársbyrjun 2021 á Cayman-eyjum, en þangað fluttist Hammer í kjölfar ásakana um kynferðisbrot. Slúðursögur fóru á flug um að hann ynni sem móttökuritari á hóteli á eyjunni. Perejma starfar sem aðstoðarmaður tannlæknis á Cayman-eyjum. Hammer og Perejma slitu sambandi sínu í febrúar 2022, en nú virðist sem ör Amors hafi hitt þau í hjartastað á ný.

Á myndum sem birtust á vefmiðlinum Page Six, virðist parið afar lukkulegt og sést kyssast og leiðast víðs vegar um götur Portofino.

Frétt af mbl.is

Skilja eftir 10 ára hjónaband

Leikarinn var giftur Elizabeth Chambers, en hún sótti um skilnað árið 2020 eftir tíu ára hjónaband. Fyrrverandi hjónin eiga tvö börn, Harper, átta ára og Ford, sex ára.