Áhrifavaldurinn Sunneva Eir Einarsdóttir og kærasti hennar Benedikt Bjarnason, njóta nú lífsins í Frakklandi. Parið er ástfangið upp fyrir haus og hefur birt sólríkar myndir af sér á samfélagsmiðlum úr ferðinni.

Frétt af mbl.is

Sunneva og Bensi í himnaríki

Hið íslenska stjörnupar kann svo sannarlega að gera vel við sig í fríinu, en þau heimsóttu Furstadæmið Mónakó, kíktu í verslanir Prada og Louis Vuitton og deildu kossi í Saint Paul de Vence í Suður-Frakklandi.

„Amour,“ skrifaði Sunneva Eir við myndaseríu sem hún birti fyrr í dag, en hún sýnir parið með stjörnur í augunum í Saint Paul de Vence.

Frétt af mbl.is

Sunneva sleikir sólina með vinkonunum í Frakklandi

Sunneva Eir sem er einn þekktasti áhrifavaldur á Íslandi hefur birt fjölda mynda frá ferðalagi sínu en vinkonur hennar, Birta Líf Ólafsdóttir, Jóhanna Helga Jensdóttir og Eva Einarsdóttir eru einnig að sleikja sólina í Suður-Frakklandi ásamt unga parinu.